قـلـــــم مفتـــــون ..
قلم مفتون .. قلم مجنون و مش عايز حرفه متنقط .. عايز حيطة يرسمها ويشخبط ..حبره تقيل وساعات بيكسل ..وساعات بيقطع .. فرحان ولا حزين أهو بين البين ومتلخبط .. أمسح عنه لغاية ما يحكي المعقول ويتضبط ..عامل دوشه في كتابي بيستعبط .. أندهله بحرف السكون يمكن نقطع تذكره خاطر .. بشنطة ورق ونسافر ..لكتاب ربيع ملوش فصول ..
قلم بمزاج وبيخرج وبيقابل .. بيقابل صفحة في آخر الليل .. مشتاق يسند دماغه بحضن الإيد ويكتبنا من غير تفاصيل .. يدوب بحبره على سطري .. نتمشى في طريق البوح ونفضفض بكلام سريالي ملوش هامش .. بعلامه تعجب يطَّلسم .. بخط كبير يسألني في طابور اجابات يوقفني .. وقبل ما نوصل للنقطة ............ يودعني ..
ليست هناك تعليقات:
إرسال تعليق