سؤال .. ملهوش رد ..

باب .. وسد

وصرخــة جبل .. اتهد

بحرعذاب .. موجــه سبق المد

أنا ليــــه ...

أنـا فين .. ومع مين ؟؟

سؤال .. ملهوش رد ..

أنا واحد .. مبقاش حــد

وقف زمــاني ..و دفن مكانِي

ضاع الوقت .. وفين الأوان ..

الدرب قفِّل خطوته..ورحلة عشقت هروبها

صحرا .. بكتها السما ودمعة مطر ِنشْفِت في توبها

خطوة سبقها العمر .. وجري منها قدام

وفين السنين.. هحسب لمين .. لحياة خدت اعدام ؟؟

سراب.. ضيع طريقه.. وبقا صعب الرجوع

ولمين أرجع ..؟؟

حيطة وسندت نفسها

أرض وحرقت عفشها

صرخت ..بليلة عرسها

عشة غراب .. كومه ضباب ..

قفلة أوي.. وفين الباب ؟؟

حتى الشجر .. ورقه انتحر

سجل نصيب .. وبصم القدر

معرفش ابكي ولا حتى اشكي ..


مالدمعة للحزن .. ومن بعد موتي هلاقي صوتي ؟؟

كرهني قلبي .. ورفض القضا ..ليلي انقضى

بـ نومتي على جنبي ..

منا كسرتني .. وامته الزمن بنى ؟؟؟ لم هدمتني

ليـــل وليـــل وليـــل

و ..فينه النهار ؟؟

بقا مستحيل؟؟

سؤال ملوش رد ..

مالشمس هجرت سماها

لغيمة بتبكي.. من صرخة رعد ..

ومفيش وعد ..

حسبه وخاسر .. مفيهاش عد


هو .. الـــرد